Sarrera
|
Mapa
|
Kontaktua
|
Guri buruz
|
Gorago
Zeu iritziemaile
Bestelakoak
Enpresa
Herri-administrazioa
Hizkuntza
Informatika
Internet
Irakaskuntza
Kultura
erabili.com
RSS
Hemen zaude:
Sarrera
»
Sare-aldizkariak
»
Iritzi-muinetik
» Eredugarri
Erantzun
Izenburua
Bidaltzailea
Nortasun-txartela
(Ez da publikatuko. Konfirmazioetarako bakarrik)
E-posta
(E-posta helbidea ez da publikatuko. Konfirmazioetarako bakarrik)
Testua
> Gero eta sarriago azaltzen dira albiste-testuetan «eredugarri jo» eta antzerako esaldiak. Zalantza eragiten digute, EGLUk ez baititu aipatu ere egiten, baina, testuetan arakatuz gero, egitura ondo finkatuta dagoela konturatuko gara. Edozelan ere, beste zalantza bat gehiago egiten dugu: ea albiste-testuetan egitura egokiro erabilita dagoen. > **Aditzak eta osagarriak** > > > Albiste-testuetan gero eta gehiago entzuten da «jo» aditzaren osagarria deklinabide-markarik gabe. Berez, aditz jakin batzuekin osagarria hala erabiltzen da, hitza bera soil-soilik. «Izendatu», «bihurtu», «hasi» eta «sartu» era jakin horretako aditzak dira, alegia, egoera, <i>status</i>-a, egoera-aldaketa edo <i>status</i>-aldaketa adierazten dutenak. > > - Udalbatzak <b>alkate</b> izendatu du PSOEko hautagaia. > > - Jesusek ura <b>ardo</b> bihurtu zuen. > > - Miren <b>itzultzaile</b> hasi da Bruselan. > > - Guraso askorentzat atsekabe handia da semea <b>apaiz</b> sartzea. > > Aditz batzuk, horrela erabiltzeaz gainera, beste era batera ere erabiltzen ditugu. > > - Josune <b>mediku</b> hartu dute Basurtuko ospitalean. > > - Mikel <b>medikutzat</b> hartu dute, mantal zuriarekin ikusi dutenean. > > Adibideetan garbi ikusten da esangura ez dela berdina. Lehen kasuan <i>status</i>-aldaketa da gakoa, goragoko esaldietan bezala. Bigarren kasuan, uste bat agertzen du <i>-tzat</i> duen osagarriak. Hain zuzen, hizpidea eman digun egituran horixe da adiera. > > - Herrian <b>zorotzat</b> jotzen dute denek. > > "Uste" adiera, batez ere, «hartu», «eduki», «eman» eta «jo» aditzen osagarriekin gertatzen da. > > - Partidua <b>galdutzat</b> eman zuten, eta azken ordu laurdenean Athleticekoak ez ziren batere saiatu. > > - Aitak berretsi arren, nik <b>gezurtzat</b> daukat osabak kontatutakoa. > > Beste aditz batzuekin <i>-tzat</i> atzizkiak xedea edo helburua adierazten du. Hala gertatzen da «eman», «eskaini», «ipini» eta beste aditz batzuen osagarriari itsasten zaionean. > > - Erloju bat eman nion <b>oparitzat</b>. > > - Bigarren <b>platertzat</b> oilasko errea ipini digute. > > > **Jokabide bikoitza** > > > Ez da arraroa izaten osagarria <i>-tzat</i> eran hartzen duten aditzek osagarri biluzia ere hartzea. "Uste" adierari dagokionez, Orotariko Euskal Hiztegian adibide hauek eta beste batzuk aurkitu ditugu <i>-tzat</i> barik. > > - Usoa <b>errudun</b> jo? (Yon Etxaide) > > - Oso <b>aundi</b> jotzen degu. (Nemesio Etxaniz) > > - Zuk <b>dohatsu</b> eduki behar duzu egun hau. (Harizmendi) > > - Frantsesek geure buruak daduzkagu net <b>handi</b>. (Goyhetche) > > "Xede" adierari dagokionez, gauza bera gertatzen da; aditz batzuek <i>-tzat</i> atzizkiarekin zein atzizkirik gabe onartzen dute osagarria. > > - Oriok beheko mailetako aulki mugikorra suspertzea jarri du <b>helburutzat</b>. > > - Lehen alea uda aurretik argitaratzea jarri dugu <b>helburu</b>. > > "Xede" adieran beste aukera batzuk ere aurki ditzakegu, aditzaren eta osagarriaren arabera. > > - Erloju bat eman nion <b>oparitzat</b> / <b>opari</b> / <b>oparitan</b>. > > - Proiektu honen bitartez landare-olioak <b>erregaitzat</b> / <b>erregai moduan</b> erabiltzeko sistema baten lehen oinarria jarri nahi da. > > > **Albiste-testuetan, zelan?** > > > Ez dago garbi noiz onar daitekeen «handi jo», edo noiz erabili behar den derrigor «handitzat jo». Ematen du gustuak eta ohiturak agintzen dutela. Alde horretatik, beraz, «eredugarri jo» aitzakiagabea da. > > Edozelan ere, albiste-testuetako arazoa beste bat da. Eman dezagun dena delako ekitaldia egin eta gero antolatzaileak prentsaurrekoan azaldu direla. > > - ANTOLATZAILEAK: «Euskal gizartearen erantzuna eredugarria izan da». > > Prentsaurrekora joan den kazetariak honela eman dezake horren berri. > > - KAZETARIA: «Antolatzaileek adierazi dute euskal gizartearen erantzuna eredugarria izan dela». > > Albistegietan, sarri, informazio bera honela entzuten da. > > - KAZETARIA: «Antolatzaileek eredugarri jo dute euskal gizartearen erantzuna». > > Beraz, zalantza ez da «eredugarri jo» ala «eredugarritzat jo» erabili behar den. Zalantza da ea parekoak diren «eredugarri dela adierazi» eta «eredugarri(tzat) jo». Beste adibide bat, arazoa garbiago erakustearren. > > - NAFARROAKO GOBERNUAREN BOZERAMAILEA: «Tamalgarria da Pirinioetako "bi-bider-bi" proiektua». > > - KAZETARIA: «Nafarroako Gobernuak adierazi du tamalgarria dela Pirinioetako "bi-bider-bi" proiektua». > > Nafarroako Gobernuak zer esan du, «tamalgarria da» ala «Gobernu honek tamalgarritzat jotzen du»? Horrenbestez, salto moduko bat igartzen dugu, kazetariak «Nafarroako Gobernuak tamalgarri(tzat) jo du» esaten badu. > > Dena dela, ematen du jauzi hori zilegi dela, kazetariak «Gobernuak tamalgarri deritzo proiektuari» esango balu bezain zilegi. Beraz, honelako esaldietan alternatiba biak joko ditugu egokitzat. > > - Oso <b>larri</b> / <b>larritzat</b> jo du Zenarruzabeitia lehendakariordeak Zapateroren gobernuak transferentzien arloan izan duen jarrera. > > Osagarria adjektibo bat izan beharrean izen bat denean, berriz, nahitaezkoa da <i>-tzat</i> atzizkiaz baliatzea. > > - Atzokoa, ibilbide luze baten lehen <b>pausotzat</b> jo du Ibarretxe lehendakariak. > > > <br> > <b>(<a href="http://www.erabili.com/zer_berri/aurkibidea/egilea/larrinaga">ASIER LARRINAGA LARRAZABAL</a> Euskal Telebistako Euskara Sailaren burua da)</b> > > > - Orain arte argitaratutako artikulu guztiak ikusteko sakatu "HEMEN":http://www.erabili.com/zer_berri/berriak/1084490076 > > > <br> > <table class="taula"><tr><td><img src="http://www.erabili.com/zer_berri/argazkiak/inprimatzeko.gif"></td><td><a href="http://www.erabili.com/zer_berri/muinetik/1210147668/inprimatzeko">Inprimatu </a></td></tr></table>
Galdera garrantzitsua, spammerren kontra
Zenbat dira hiru gehi lau? (zenbakiz idatzi)
Euskara Patronatua
Tel.:943-814518
Faxa: 943-811947
erabili@erabili.com
