|
Urte sasoi honetan ohikoa bihurtu denez, IKEA konpainiak datorren urteari begirako produktu katalogo berria plazaratu du. Iaz lehen aldiz katalogoaren ale batzuk euskaraz ere argitaratu ondoren, 2010eko edizioan esperientzia errepikatu eta zabaldu egin du IKEAk, euskarazko aleen kopurua biderkatuz.
Altzari salmenta-kate suediarra paperezko edizioan zein Internet bidez ari da zabaltzen katalogo berria. Amaraunean, orain dela urtebeteko presentzia bera dauka euskarak IKEAn. IKEA Espaņa webgunean, datorren urteko katalogo nagusi berriaren lau bertsio kontsultatu daitezke: gaztelaniazkoa, katalanezkoa, ingelesezkoa eta euskarazkoa.
Iaz bezalaxe, ordea, beste katalogoak (sukaldeko altzariei, telebistarentzako txokoei, armairuei eta sofei eskainitakoak) bi hizkuntzatan bakarrik daude, gaztelaniaz eta katalanez.
Harrera ona
Paperezko edizioan egin du gorako koska aurten euskararen presentziak IKEAn, katalogoari dagokionez. Iazko lehen saiakeraren ondoren, eta katalogoaren arduradunek esan dutenez, biderkatu egin dute euskarazko katalogoen publikazioa. Euskarazko katalogoek 2009an "harrera ona" izan zutela adierazi dute IKEAtik eta horregatik erabaki dute ale gehiago ateratzea hizkuntza horretan. 50.500 dira, hain zuzen ere, hil honetan hasi den katalogoaren banaketa kanpainaren barruan zabalduko diren euskarazko aleak.
Kanpaina horretan guztira 914.00 katalogo banatuko ditu IKEA Barakaldok -Euskal Herrian salmenta-kate erraldoiak duen saltoki bakarrak- Araban, Bizkaian, Gipuzkoan eta Kantabrian. Etxez etxeko banaketa egingo dute alde batetik, eta prentsa saltoki nagusienen bidez, bestetik,
|
