Egin klik hemen INPRIMATZEKO

IMHko hizkuntzen kudeaketa

Edurne Bilbao / Irakaskuntza / 2009-06-18 / 08:30

Sinatutako hitzarmenari esker Elgoibarko Udalak IMHri 2009rako 3.000 euro emango dizkio, Goazen proiektuaren jarduera finantzatzeko, non helburu nagusitzat dituen IMHn euskararen erabilera sustatzea eta Makina Erremintaren sektorean eragitea, euskararen erabilera sustatzeko urratsak emanez.

2003-2008 urteetako mugarri nagusiak

Goazen egitasmoak bost urte bete dituen honetan (ikusi bost urteon laburpen BIDEOA), honen aplikazio eta garapenarekin lotuta IMHrentzat aipagarrienak diren mugarriak dira jarraian datozenak:

• Lan hizkuntza 5 urte ondoren: orokorrean % 47k euskaraz ahoz (2003an % 32) eta % 28 euskaraz idatziz. % 69 ahoz euskaldunen artean (2003an % 41,5).
• Zerbitzu hizkuntza euskaraz:
  • 2003an 8.000 ordu (% 23,8). IMHko ordu guztiak 33.548 izan ziren.
  • 2008an 9.175 ordu (% 25,2) IMHko ordu guztiak 36.340 izan ziren.
• Lankideen parte-hartzea eta zuzendaritzaren inplikazioa.
• HPS, GFA, Elgoibarko Udalarekin harreman emankorrak.
• Euskararen presentzia zerbitzu atal guztietan (bakoitzak bere mailan): Ziklo, Ingeniaritza, Iraunkorra, Ekinberri proiektuak, Incress.
• 2008 Zilarrezko Bikain-a lortuta.
• Lantegiko makinak: 53 makinatik, % 77k irizpideak betetzen dituzte.
• Euskalduntze eskoletan: 25 pertsona. 71 ikasle / 26 talde / 1.958 ordu.
• Hizkuntzak Kudeatzeko Sistema: onartuta, indarrean eta 2008an zehar aurkeztuta talde eta prozesuetan.
• 30+10 Mintegia hirugarren urtez, jendez arrakastatsuena: 19 hizlari eta 115 entzule.
• Aldi bereko itzulpena: 20 ekitalditan.
• IMH kasua eredugarri.

2009tik aurrera

Aurrera begira ere, IMH ez dago atzera geratzeko asmotan, euskararen erabilera bultzatzeari dagokionez. Hona hemen, aurrera begirako asmo eta helburu nagusiak:

• Bikain ziurtagiria landu (hobetzeko arloak hobetu) eta Bai Euskarari (Ingeniaritza)‏ lortu, etorkizunean urrezkoa lortzeari begira.
• Hasierako Lanbide Heziketa eta Ingeniaritzan talde mistoak eta Eleaniztasun proiektua.
• HKS Sistematizatu eta erakundetu.
• Langileen behar eta nahiak landu: pertsonengana hurbildu. Motibatu eta lagundu. Lanpostuko trebakuntza euskaraz.
• 30+10 4. mintegia.
• Euskararen lan komertziala indartzeko proiektuak bukatu edota garatu: merkatu azterketa, 160 proiektua.
• Hizkuntza ohituretan eragiteko proiektua/ekintzak landu.
• Goazen planari txekeoa egin eta aurrera begirako lan ildoak landu.

Kronograma

2003tik hona euskararen normalizazioarekin zerikusia izan duten ekimen eta gertaeren kronograma ere osatu dugu. Hona hemen:

• 2003. Euskara sustatzeko plana proiektu bezala proposatu hizkuntza aholkularitzarekin (Ahize-AEK) eta Zuzendaritzak onartu.
• 2004. IMHko kudeaketa planean txertatu Goazen euskara proiektuko helburuak (prozesu guztietan eta helburu nagusietan).
• 2004. Hitzarmena sinatu Elgoibarko Udalarekin.
• 2004. Iraunkorreko eta Hasierako irakasleak ikastaroak emateko euskaraz trebatu (aurrez euskara ikasteko irizpideak ezarri eta onartu).
• 2004. Ezagutzaren Klusterreko Euskara bilgunean parte hartu eta IMH kasua azaldu.
• 2004. Bat aldizkarian Goazen abiatzeari buruzko artikulua.
• 2005. IMHko hizkuntza politikari buruzko gogoeta kanpo-barruko eragileekin.
• 2005. Gipuzkoako Foru Aldundiarekin harreman sendotzea: lehen diru-laguntza.
• 2005. Eusko Jaurlaritzako Hizkuntza Politika Sailburuordetzak dekretua egokitu eta Fundazioentzat lehen laguntzetan sartu.
• 2005. Ulibarri programan sartu eta ikasle baten liberazioa (asteko 6 ordu).
• 2005. Enpresei lehen galdetegi orokorra, Iraunkorreko ikastaroak euskaraz jasotzeko interesa ezagutzeko.
• 2005. Worfast ikastaroa, itzulpen memoriak eta glosategi teknikoa eratzeko abiatu.
• 2005. Lankideen arteko ahozkolore (mintza-laguna).
• 2005. Bat aldizkarian Goazeni buruzko 2. artikulua (planaren inplantazioari buruz).
• 2005. Hizkuntzen Kudeaketa Sistema sortzeko lehen urratsak.
• 2005. Ingeniaritza Eskolan eskolak euskaraz abiatzeko lehen urratsak, 2. adarra sortzeko.
• 2006. Hizkuntza Politika zuzendaritzak onartu.
• 2006. Makinak euskaraz (Fagor cnc-en interfaza, makinen eskuliburuak, kanpoko txartelak).
• 2006. Garatuko 7 ikastaroetatik, 3 euskaraz.
• 2006. Incress: diagnostikoak euskaraz egiten hasi.
• 2006. IMHk HPSrekin protokoloa sinatu.
• 2006. Lehen 30+10 mintegia
• 2007. Hizkuntza Politika berria (IMHko orokorrean uztartuta).
• 2007. Hizkuntzen Kudeaketa Sistema osatu, onartu.
• 2007. Bikain pilotuan parte-hartzaile.
• 2007. Eskaripeko (LHI) lehen ikastaroa euskaraz.
• 2008. Bikain zilarra.
• 2008. Katalogoko (LHI) lehen ikastaroa euskaraz.
• 2008. Hizkuntzen Kudeaketa Sistema lankideei aurkeztu.
• 2008. Goazen azpiproiektuak garatu: merkatu azterketa (GFA, EHU) eta erakundeen eraldaketa EGB-IVO (EHU) abiatu. 160 enpresen proiektuko lehen urratsak.
• 2009. Katalogoko LHI 2 ikastaro euskaraz.
• 2009. Soliolinguistika Klusterrak 2008ko 2 kasu argitaratu ditu: IMH eta Bergarako Udala.

Goazen proiektuaren balantzea eta aurrera begirako asmoen gainean xehetasun gehiago, dokumentu honetan

Inprimatu