Sarrera
|
Mapa
|
Kontaktua
|
Guri buruz
|
Gorago
Zeu berriemaile
Bestelakoak
Enpresa
Herri-administrazioa
Hizkuntza
Informatika
Internet
Irakaskuntza
Kultura
erabili.com
RSS
Hemen zaude:
Sarrera
»
Sare-aldizkariak
»
Berri berriak
» LanHitz-ek euskara enpresetara zabaltzeko tresna berriak aurkeztu ditu
Erantzun
Izenburua
Bidaltzailea
Nortasun-txartela
(Ez da publikatuko. Konfirmazioetarako bakarrik)
E-posta
(E-posta helbidea ez da publikatuko. Konfirmazioetarako bakarrik)
Testua
> Eusko Jaurlaritzaren Hizkuntza Politikarako Sailburuordetzak, LanHitz egitasmoaren baitan, euskara enpresetara zabaltzeko tresna berriak aurkeztu ditu: enpresen hizkuntza-diagnostikorako aplikazioa, agiri-ereduen bankua, CRM "Customer Relationship Management" delakoa eta LanHitz webgunea. > LanHitz programa-markorako lan tresna berriak aurkeztu dituzte 2007-05-29an Donostiako Miramon Parke Teknologikoan. Hizkuntza Politikarako Sailburuordetzak martxan jarria, Foru Aldundiekin eta EUDELekin elkarlanean, LanHitz egitasmoaren helburua hauxe da: Euskadiko enpresen artean euskara erabiltzeko ekintzen nahiz euskara-planen, laguntzen eta baliabideen berri ematea eta abian jartzera gonbidatzea. > > Patxi Baztarrika Hizkuntza Politikarako sailburuordeak prentsaurrekoan adierazi duenez, LanHitz programa "anbiziosoa da", baina aldi berean "oso errealista", enpresa bakoitzaren "neurrira egokitzeko" behar besteko "malgutasuna" duena, eta aldi berean aurrerantz jotzeko "eraginkortasuna bermatzen" duena. Diru-laguntzen tamaina ikusita, nabarmendu du "merkea eta erraza" dela enpresetan euskara txertatzea, "ez behintzat garesti eta zaila". "Merkea diot diru-laguntza garrantzitsuak dituztelako eskura enpresek, eta erraza diot aholkularitza tekniko egokia eta lan-tresna eraginkorrak jartzen ari garelako enpresen esku", gehitu du Baztarrikak, ondoan Erramun Osa, Koordinaziorako zuzendaria zuela. > > Hala, erabilgarri dagoen webguneaz gain (informazioa, tresnak eta laguntza eskaintzen dituena bai euskararen normalizazioan lan egiten duten teknikarientzat eta bai enpresentzat), lan tresna horietako hiru aurkeztu dituzte: > > > **Diagnostikorako aplikazioa** > > > Diagnostikorako tresna hau enpresei laguntzeko diseinatuta dago, nahi duen enpresak euskararen egoeraren gainean bere diagnostikoa egin dezan. Tresna honen bidez osatutako diagnostikoak zera zehaztuko du: enpresa horretan euskararen egoera eta erabilera, euskararen ezarpen-maila, eta gerora begira enpresak hizkuntzari buruz duen aurreikuspena. > Enpresetan euskararen egoeraren oinarrizko diagnostikoa egiteko tresna da. LanHitz programan erabiltzen ari da bisitatzen diren enpresetan euskararen egoera zein den jakiteko. > > > LanHitzeko teknikariak LanHitz programaren berri eman ostean, enpresako ordezkariarekin elkarrizketan aplikazio honen bidez eta Erreferentzi Marko Estandarraren egiturari jarraiki informazioa jasotzen du. Jasotako informazioarekin txostena lantzen da eta enpresari aurkezten zaio. Aplikazioa testeatu eta txukundu ondoren CD batean zabaltzeko moduan prestatu da. Eskuragarri izango da ere LanHitzeko web gunean (<a href="http://www.euskara.euskadi.net/r59-14154/eu/contenidos/informacion/autodiagnostikoa/eu_diagnost/autodiagnostikoa.html">www.euskadi.net/lanhitz</a>). > > > **Agiri-ereduen bankua** > > > Agiri-ereduen bankuan esparru sozio-ekonomiko pribatuan (industria zein zerbitzugintza) ohikoak diren euskarazko ereduak eta eredu elebidunak eskura jartzen ditu, azalpen eta adibide praktikoz horniturik. > > Agiri-ereduok hiru ardatz nagusitan sailkatzen dira: a) Erakundearen irudia/Hizkuntza Paisaia, b) Kanpo-harremana, c) Barne-harremana. > > Ereduen txantiloiak eta horien erakusgarri diren adibide osoturik ordenagailura deskargatzeko, betetzeko, moldatzeko eta inprimatzeko moduan daude. Agiri-ereduen bankua eskuragarri izango da LanHitzeko web gunean (<a href="http://www.euskara.euskadi.net/r59-14154/eu/contenidos/informacion/agiriereduen_bankua/eu_agiri_er/agiri_ereduen_bankua.html">www.euskadi.net/lanhitz</a>). > > > **CRMa** > > > CRM "Customer Relationship Management", ingelesezko akronimoa da; hau da, enpresa batek bezeroekiko dituen harremanak kudeatzeko sistema da. Hizkuntza Politikarako Sailburuordetzak SugarCRM software librea den paketea euskarara lokalizatu du. SugarCRM mundu-mailan da liderra... eta orain, euskaraz ere badugu! > > Enpresei aukera hauek eskaintzen dizkie SugarCRMk: bezeroak kudeatu, batzarrak antolatu, egindako deien erregistroa izan, dokumentuak antolatu eta txostenak ikusi... eta hori guztia, lan-ingurune erraz eta intuitiboan. Ikus "HEMEN":http://www.euskara.euskadi.net/r59-14154/eu/contenidos/informacion/euskarazko_softwarea/eu_9567/zerrenda.html#kudeaketako_soft > > > > **LanHitz programa integralaren zutabe nagusiak** > > > - Enpresetako **agente naturalen konpromisoa, inplikazioa eta adostasuna**. Kontsentsu eta konpromiso horren lekuko dira batetik CONFEBASK, ADEGI, CEBEK eta SEArekin sinaturiko hitzarmena, eta bestetik ELA, CCOO, LAB eta UGTrekin sinaturikoa. > > - Enpresetan euskararen erabilera planak diseinatu, onartu eta garatzeko **aholkularitza teknikoa eta metodologikoa** ematea. Horretarako sortu eta enpresen esku jarri du HPSk euskararen erabilera planak sistematizatzeko eta helburuak eta ekintzak zehazteko balio duen **Erreferentziazko Marko Estandarra**. Izan ere, enpresa bakoitzak bere errealitatera, bere helburuetara, bere borondatera eta bere erritmoetara egokituriko plana eduki behar baitu, pixkanaka baina etengabe aurrerapausoak emateko moduko plana. Horregatik da **malgua baina aldi berean eraginkorra** LanHitz. > > - Enpresetan euskararen erabilera kalitatearekin, berrikuntzarekin eta bikaintasunarekin zuzen-zuzenean uztartzea. Euskara planak enpresen funtzionamendu arruntean ohikoak diren kalitate eta bikaintasun parametroetan neurgarriak/ebaluagarriak izan behar dute, eta modu horretan euskara beren enpresan txertatu eta garatzeko bidean benetako aurrerapausoak ematen dituztenei egindakoa aitortu behar zaie. Horretarako jardun du HPSk hainbat hilabetetan elkarlanean EUSKALITekin, kalitate-prozesuen ebaluazioan Europan zehar errekonozitua den EUSKALIT Fundazioarekin: **euskara kalitatearekin, bikaintasunarekin eta berrikuntzarekin lotuko duen ziurtagiri publiko eta ofiziala** sortzeko, euskararen erabilera areagotzeko bidean aurrerapauso neurtu eta esanguratsuak eman dituztenek irabaziko duten ziurtagiria. Ebaluazio eta aitormen eskema jadanik balioztatu du ziurtagiriaren artezkaritza batzordeak, eta ondorengo hilabeteotan testatuko dugu hainbat enpresatan. > > - Enpresetan euskara-planak garatzeko laguntzak, bi eratakoak: **diru-laguntzak eta lanean euskaraz jarduteko lagungarri diren tresnak**. Diru-laguntzei dagokienez esan behar da, aurtengo diru-laguntza deialdiaren emaitzak ekainean emango direla ezagutzera, eta aurten guztira 2.300.000 euroko laguntzak emango dituela zuzenean HPSk, iaz baino %26 gehiago. Horri gehitu behar zaizkio euskara planak bultzatzen dituzten udalei HPSk emango dizkien laguntzak, eta udalek eta foru aldundiek zuzenean enpresei emango dituztenak. > > > **Lehentasunezko jardunbidea** > > Sailburuordeak esan du legegintzaldi honetarako zehazturiko lehentasunen artean "lehen mailan" jarri zutela euskararen erabilera lan-munduan "sustatzea eta areagotzea", eta hitzekin ez ezik, "ekintzekin ere agerian uzten" ari direla hori. > > Euskararen biziraupena eta etorkizuna segurtatzeko bidean aurrez aurre "daukagun erronka erabilera" dela gogorarazi ondoren, azaldu du erabileran aurrerantz egiteko "bi baldintza" behar direla bete: "erabiltzeko borondatea eta erabiltzeko aukera". "Borondatea nahitaezkoa da, baina ez da aski: erabiltzeko borondatea duenari erabiltzeko aukerak eta erraztasunak eman behar zaizkio, hala nahi duen tokian euskaraz ere jardun eta bizi ahal izan dezan". > > Bere esanetan, ukaezina da "berealdiko aurrerapausoak" eman direla urteotan euskara biziberritzeko bidean, euskal gizartea "pozik egoteko moduko aurrerapausoak hezkuntzan, administrazioan, hedabideetan edo kulturgintzan". "Baina ukaezina da, halaber, badela halako aurrerapausorik oraindik eman ez den esparrurik: lan-mundua". > > Baztarrikaren irudiz, komeni da kontu hauek perspektiban begiratzea eta aztertzea, "alferrikako hil-kanpai itogarririk jo gabe". "Alde horretatik, zorionez, lan-munduan gero eta normalago jotzen da euskarara: ikusi besterik ez asteburuetan periodikoetan datozen lan-eskaintzetan gaur zenbatetan eskatzen den euskara eta duela bost urte zenbatetan eskatzen zen. Alde handia dago euskararen mesedetan". Baina, halere, ohartarazi du "hutsaren hurrengoa" dela oraindik euskararen presentzia lan-munduan. > > Hori dela eta, sailburuordearen ustez hizkuntzari prestigioa eta balioa aitortu behar zaizkio eguneroko bizitzan "normaltasunez erabiliko bada". "Behar besteko prestigioa eta balioa, ordea, ezin dira lortu lan-munduari bizkar emanda, lan-munduaren pisua ikaragarria baita eguneroko bizitzan. Lan munduarekin lotura zuzena dute gure lan-orduek eta gure aisialdiak". > > "Jakina da aberastasun ekonomikoa sortzea dela enpresen lehen egitekoa; eta hori oso garrantzitsua zaio gizarteari", onartu du Sailburuordetzako buruak. Baina horrezaz gain, bere iritziz, "beste ekarpen sendoago bat ere egin diezaiokete enpresek guztion elkarbizitzari eta gure gizartearen kohesioari. Bi hizkuntza bai, baina berdintasun sozialik ez duten bi hizkuntza dituen gizarte honetan bi hizkuntza horien arteko berdintasun sozialaren mesedetan lan eginez berealdiko ekarpena egin diezaiokete guztion arteko elkarbizitzari". > > > **Enpresek dena irabazteko** > > > Patxi Baztarrika sailburuordearen aburuz, galtzekorik "batere ez", dena daukate irabazteko enpresek euskarari ere "toki bikaina eginez": berrikuntza, kalitate-ikurra, bikaintasuna, dinamismoaa… hori guztia suposatuko du testuinguru eleanitzean txertatzen diren enpresetan kudeaketa linguistiko aurreratua egiteak. "Gero eta elebidunagoa den eta izaten jarraituko duen gizarte honetan, zerbitzu elebidunak ematen dituen enpresa izango da txapeldun", gehitu du sailburuordeak, zeinaren ustez gero eta jende gehiago dagoen "euskaraz lan egiteko prestatuta". Gero eta herritar gehiago dira euskara zaintzen duten enpresak baloratzen dituztenak. Horren harira, azpimarratu du jadanik Euskadiko 25 urtez azpiko gazteen "%55 elebiduna" dela, eta Gipuzkoan % 78tik gora. > > > **Enpresek errealitateari erantzuten asmatu** > > > "Elebidun dira gaurko gazteak eta biharko helduak: beraiek dira lan-munduko protagonista berriak eta kontsumitzaile berriak. Errealitate horri erantzuten asmatzen duen enpresak, euskarari ez ezik enpresari berari egingo dio mesede, enpresa lehiakorragoa eta kalitate handiagokoa izango delako", argudiatu du, gehituz "gero eta errentagarriagoa" dela enpresetan euskarari "bide egitea". > > Gaur aurkeztu dituzten lan-tresna berri horiek, hain juxtu, Hizkuntza Politikarako Sailburuordetza esparru sozio-ekonomikoan egiten ari den ahalegin ugarien testuinguruan kokatzen dira. Aipatu norabide horretan urratsak eman ditzaten, esplikatu du enpresak sentiberatzeko hainbat ekintza ari dela aurrera eramaten HPS, eta, besteak beste, "1.800 enpresarekin harremanetan jartzen ari" direla; "horietako hainbat enpresetara bisitak egiten ari gara, eta enpresetako euskararen egoeraren oinarrizko diagnostikoak egiten ari gara doan", amaitu du Baztarrikak. > > > > <br> > <table class="taula"><tr><td><img src="http://www.erabili.com/zer_berri/argazkiak/inprimatzeko.gif"></td><td><a href="http://www.erabili.com/zer_berri/berriak/1180443427/inprimatzeko">Inprimatu </a></td></tr></table>
Galdera garrantzitsua, spammerren kontra
Zenbat dira hiru gehi lau? (zenbakiz idatzi)
Euskara Patronatua
Tel.:943-814518
Faxa: 943-811947
erabili@erabili.com
