|
EAEko ikasleek euskara ikasi eta jakingo dutela bermatzeko, hizkuntza eredu berri bat sortu eta egungo legedia berritu egin behar dela erabaki du Eusko Legebiltzarrak, PSE-EE, EHAK, Aralar, Ezker Batua, EA eta EAJ alderdien aldeko botoekin. Hona hemen onartutako erabakia, hitzez hitz:
- "1.- Otsailaren 19ko 1/93 Legeak, Euskal Eskola Publikoari buruzkoak, bere 18. atalean ezartzen duen moduan, “euskara eta gaztelania nahitaez sartuko dira eskola publikoan gara daitezen irakaskuntza-programetan, bi hizkuntzen ahozko, zein idatzizko ulermena eta adierazpena benetakoa izan eta gutxienez ohizko harremanetarako eta erabilerako hizkuntza gisa erabili ahal izan daitezen”.
- 2.- Urte luzeko praktikak adierazi duenez, eta ISE-IVEIk egindako ebaluazioaren emaitzak kontuan harturik, irakaskuntzan indarrean dagoen eredu-sistemak ez du euskararen beharrezko ezagutza maila bermatzen. Horrenbestez, 93ko legeak berak agindutakoa ere ez da betetzen euskararen kasuan; bai, ordea, gaztelaniarenean.
- 3.- Hori horrela izanik, Eusko Legebiltzarrak, Hezkuntza, Unibertsitate eta Ikerketa Sailari eskatzen dio, hezkuntza komunitateko eragile guztiekin batera, irakaskuntza arloan komunitateko bi hizkuntza ofizialetan maila orotako konpetentziak bermatuko duen eredu berri baten azterketari berehala ekitea, eta ahalik eta azkarren, praktikan jartzea.
- 4.- Horrekin batera, eta eredu berriaren aplikazioa ziurtatzeko bide bakar gisa, irakaskuntzaren legedia berritzea eskatzen dio Eusko Legebiltzarrak Hezkuntza, Unibertsitate eta Ikerketa Sailari, gaurtik hasi eta 2007ko otsaileko epean".
Agiri interesgarriak (eskuratzeko gainean sakatu)
|
