|
Egin klik hemen INPRIMATZEKO |
Hizkuntza Polikarako Sailburuordetza / Enpresa / 2004-09-29 / 07:50
INEM erakundearen euskarazko kontratu ereduak ordenagailuz betetzeko moduan prestatu ditu Hizkuntza Polikarako Sailburuordetzak. Eraberritutako kontratu eredu hauek guztiak erabili.com-en eskura daitezke.
Joan den ekainean Hizkuntza Politikarako Sailburuordetzatik zabaldu genuen erabili.com webgunean Espainiako INEM erakundearen lan-kontratu ofizialak euskara hutsean erabil daitezkeela. Horretarako INEM erakundearen oniritziz, Hizkuntza Politikarako Sailburuordetzak euskara hutsezko aleak prestatu zituen dagoeneko baziren euskarazko itzulpenak erabiliz, alegia, INEMek berak prestatutako ale elebidunak elebakar bihurtuz. Aldi berean, denon eskura izateko erabili.com webgunearen Lan-tresnak atalean jarri ziren. Helburua, azken finean, hauxe zen: euskarazko lan-kontratu ereduen banaketa gaztelaniazko agiriek INEMen web gunearen bidez dutenaren parekoa izatea.
Esan behar da, nolanahi ere, lehenagotik ere, hain zuzen ere, maiatzaren 31z geroztik, Gipuzkoaeuskara.net web gunean ere badirela dokumentu horiek erabili nahi dituen orok bertatik jaisteko ere.
Zabaldu eta berehala jaso genuen Hizkuntza Politikarako Sailburuordetzan handik eta hemendik iradokizun bera, honakoa: interesgarria izan zitekeela prestatutako .pdf luzapeneko euskarazko artxiboak ordenadore-pantailan bete ahal izatea, alegia, INEMek bere web gunean eskaintzen dituen gaztelaniazko ereduetan egin daitekeen bezala. Zuzendaritza honetan lehendik ere iritzi berekoak izanda pantailan bertan betetzeko moduko bertsioak prestatu ditugu eta, honenbestez, zabaldu nahi ditugu.
Kontuan izan behar da, nolanahi ere, .pdf luzapeneko dokumentuak direnez, idatzi, irakurri zein inprimatzeko beharrezkoa dela Acrobat Reader programa izatea. Horrek, halere, ez du aukerarik ematen aldaketak gordetzeko eta/edo Internet bidez inora bidaltzeko ere. Aldiz, Adobe Acrobat programa izanez gero, kontratu-aleetan idatzitakoa aparteko fitxategian gordetzeko eta bidaltzeko aukera ere badago.
Honako urrats hau ere baliagarria izan dadin espero dugu.
Ildo bereko artikuluak (irakurtzeko gainean sakatu)
 | Inprimatu |