Eusko Jaurlaritzako Hizkuntza Politikarako Sailburuordetzak Elebiden, hizkuntza eskubideak bermatzeko zerbitzuan, 2009. urtean jasotako intzidentzien berri eman eta kanpaina berria aurkeztu zuen atzo Lurdes Auzmendi sailburuordeak, Eusko Jaurlaritzako Lakuako egoitzan egindako prentsaurrekoan.

Guraso euskaldunek, batez ere alfabetatze bidean dabiltzanek eta seme-alabei eskolako lanekin laguntzerakoan sarri erantzun barik geratzen direnek, hemendik aurrera material lagungarria izango dute: Aittamak.

Eusko Jaurlaritzaren Kontseiluak Justizia Administrazioaren hizkuntza-normalkuntzari buruzko Dekretua onartu du. Dekretu horren helburua da Euskal Autonomia Erkidegoan indarrean dagoen koofizialtasun erregimena praktikara eramatea, Justizia Administrazioarekin harremanetan dagoen edozein herritarrek euskaraz nahiz gazteleraz egiteko aukera izan dezan.

Hizkuntza Politikarako sailburuorde Lurdes Auzmendiren esanetan, "egitasmo berritzailea da eta euskararen normalizaziorako beste pauso haundi bat". Habilitazioa lortzeko bi bide nagusi daude: batetik, habilitazio zuzena eta meritu bidezko habilitazioa; bestetik, probak gainditu eta habilitazioa lortzea.

Bi egunetan zehar, euskararen sustapenerako komunikazio-ekintzak burutzeko moduaz jardun dugu 75 bat lagunek Donostiako Miramar Jauregian. Soziolinguistika Klusterrak antolatutako Euskara komunikatu? Nor-nori-nork ikastaroak hizkuntza-plangintzan dabiltzan profesionalak eta komunikazio-gaietan adituak bildu ditu, besteak beste. Pilar Kaltzada eta Belen Uranga izan dira zuzendariak; irakasle-talde jantzia eta anitza izan du oinarri, eta ikuspuntu ezberdinetatik jorratu da gaia.

Haurren eskola-oporrak hurbiltzen ari direnez, guraso askoren premia da haien seme-alabek ondo pasatzea eta aldi berean gauza berriak ikasteko aukera eskaintzen duten produktu eta jarduerak aurkitzea. Elhuyarren badakigu hori ez dela beti erraza, eta, hori kontutan izanik, 8-10 urte bitarteko gazteei zuzendutako esperimentu-liburu bat argitaratu dugu: Armix max-mix.

Gero eta gehiago dira zerbitzua euskaraz ere eman nahi duten ostalariak. Helburu hori lortzen laguntzeko, Iberba Euskara Zerbitzuak on line ikastaroa sortu du, oinarrizko esamoldeak eta terminologia euskaraz nolakoak diren ikasteko.

Hizkuntza Politikarako Sailburuordetzak bere esku dagoen guztia egingo du murrizketarik balego, ahalik eta txikienak izan daitezen.

Euskara elkarteen hitzarmengintza egitasmoen metodologiaren garapena da aurkeztutakoa. Liburua salgai dago Topagunean.

Euskal Herriko Unibertsitateak eta Euskaltzaindiak lankidetza-hitzarmen berri bat sinatu zuten atzo (2010-6-21) Euskaltzaindiaren egoitzan. EHUren izenean Iñaki Goirizelaia errektoreak sinatu zuen eta, Euskaltzaindiarenean, Andres Urrutia euskaltzainburuak. Hitzarmen horrek EHUren eta Euskaltzaindiaren arteko elkarlana sendotzea du helburu.