|
Ekainaren 30ean hasiko dira Azpeitiko Udal Euskaltegian udako ikastaroak eta eskaintza horren barruan baliokideak diren HABEren 3. maila eta EGA tituluak eskuratzeko ikastaro zehatza antolatu da, bereziki Azpeitiko ikastetxeetako ikasleei zuzendua.
Ikastaroa 96 ordukoa izango da. Orduak uztaila eta iraila bitartean banatuko dira eta abuztuan etena egingo da. Klaseak astelehenetik ostiral bitartean emango dira eta egunero 4 klase ordu.
Azterketa irailean
Ikastaro hau egin ondoren, baldintzak betetzen dituzten ikasleek, hots, maila dutenek, EGA nahiz HABEren 3.mailako azterketara aurkezteko aukera izango dute. Udako ikastaro hau aukera ezin hobea izan daiteke udaldian mailako azterketaren prestaketan zein EGArako prestaketan sakondu nahi duen edonorentzat.
Ikastaroa doan egiteko aukera
Gainera, ikastaroan zehar asistentzia ona duen ikasleak (% 85eko asistentzia erreala) ikastaroa doan egiteko aukera izango du.
Izena emateko aukera ekainaren 20ra arte
Ikastaro honetan izena emateko epea ekainaren 20an amaituko da.
Izena emateko edota informazio zabalagoa eskuratzeko hiru bide daude: Azpeitiko Euskaltegiaren egoitzara bertara joanda (Perdillegi 1, Musika Eskola dagoen eraikina) goizeko 08:00etatik 19:00etara, ordutegi horren barruan 943811947 telefono zenbakira hots eginda, edo interneteko helbide honetara idatzita: www.erabili.com/eskatu/euskara_ikastaroak.
|
