Egin klik hemen INPRIMATZEKO

UEMA Eguna, Azpeitian

Azpeitiko Euskara Patronatua - AEP / Besterik / 2008-06-13 / 10:14

Behin betiko sarrera

Azpeitia da aurten UEMAn sartzea erabaki duen herrietako bat. 2008ko apirilaren 5ean berretsi zuen Udalak UEMArekin bat egitea eta, orain, Azpeitia bera izango da hainbat urtetan UEMAko udalerrien artean txandaka antolatu izan den jai eguna hartuko duena.

Besteak beste, biharko egunean UEMAren Batzar Nagusiak bilera egingo du; hain zuzen ere, bertan onartuko da, modu ofizialean, Mankomunitatearekin bat egitea onartu duten udalerrien sarrera. Azpeitiarekin batera, Nafarroako Areso eta Bizkaiko Atxondo, Mallabia eta Otxandio dira aurten UEMAn sartzea erabaki dutenak.

Euskararen gunea helburu

"Euskarak, biziko bada, erdarek bezala, nagusi izango den gunea behar du" eta gune edo lurralde horretan euskaraz arlo guztietan jardun ahal izateko laguntza eta bermea eskaintzea. Ideia eta helburu hori dira UEMAren jardueraren ardatz, eta biharko UEMA Egunean ere horren alde eragiteko garrantzia azpimarratuko dute.

Egitaraua

Hona hemen 2008ko UEMA Egunerako prestatu duten egitarau zabala:

• 09:00: Lea-Artibai eta Azpeitiko pilotarien arteko partiduak, Frontoi Txikin.
• 10:00: UEMAren Batzar Nagusiaren bilera eta kide berrien onarpen ofiziala: Areso, Azpeitia, Atxondo, Otxandio eta Mallabia.
• 11:00: Herrialdekako herri kirol lehia, plazan.
• 11:00: Harrera instituzionala udaletxeko areto nagusian.
• 13:00: Ekitaldia plazan (bertsolariak, dantzariak...)
• 14:30: Bazkaria Berdura plazan. Txartelak salgai daude UEMAko udaletan eta Azpeitiko hainbat lekutan.
• 15:30: Haur parkea plazan (puzgarria, joko ekologikoak...)
• 17:00: Antzezkizuna taldearekin txotxongiloak, udaletxe azpian.
• 18:00: Dantzaldia plazan, Egan taldearekin. Eta kalez kale, Botapa batukada.

Inprimatu