|
Egin klik hemen INPRIMATZEKO |
eitb24 / Udaletxea / 2007-01-19 / 07:00
Kontseiluak udalerrietako hizkuntza politika aztertu du eta Azpeitia ageri da lehen tokian. Ikerketa egiteko, udalek darabilten hizkuntza-politika, euskararentzat bideratzen diren baliabideak etab. izan ditu kontuan Kontseiluak. Lekeitio, Oņati, Tolosa eta Bergara izan dira hurrengoak hoberenen zerrendan.
Euskal udalerrietako hizkuntza-politika aztertu eta neurtu du Euskararen Gizarte Erakundeen Kontseiluak eta Azpeitia agertzen da lehen tokian neurketaren ondoren plazaratu duten rankingean, Lekeitio bigarren eta Oņati hirugarren.
Hiriburuei dagokienez, Donostia da lehena, 26. tokian. Esanguratsua da oso hiriburu bakar batek ere ez duela azterketa gainditu.
10.000 biztanletik gorako euskal 66 herritako hizkuntza-politikak aztertu ditu Kontseiluak. Erabakiak, baliabideak eta emaitzak aztertu dituzte. Guztia ondo ikusi eta 0tik 10era bitarteko puntuazioa eman zaio herri bakoitzari.
0 puntu izateak hizkuntza politikak euskarari inolako tarterik ez diola eskaintzan adierazi nahi du eta 10 puntu izateak, berriz, euskara hutsezko funtzionamendua definitzen du.
Azpeitiak da lehena rankinean 6,82 puntuz. Ondoren Lekeitio, Oņati, Tolosa eta Bergara. Puntuazioa oso erlazionatuta dago ezagutza tasarekin. Zenbat eta ezagutza handiagoa herrian, orduan eta puntuazio altuagoa.
Hiriburuei dagokienez, Donostia lehen postuan, baina 5 puntura heldu gabe: 4,22 ditu. Gasteiz gero, ia puntu bat gutxiagoz Bilbo, eta Iruņea eta Baiona azkenak.
Azterketa oso baliagarria izango dela uste du Kontseiluak hobetzeko asko dagoela erakusten baitu.
Ildo bereko artikuluak (irakurtzeko gainean sakatu)
 | Inprimatu |
