Azpeitiko Euskara Patronatuak gaur (2008-6-4) aurkeztu du prentsaurrean herriko merkatariei zuzendutako produktu eta zerbitzu katalogo berritua. Merkatariak joan den astelehenen hasi ziren jasotzen katalogoa eta, aurrerantzean, bertan eskaintzen direnak doan eskuratzeko aukera izango dute.

Ekainaren 30ean hasiko dira Azpeitiko Udal Euskaltegian udako ikastaroak eta eskaintza horren barruan baliokideak diren HABEren 3. maila eta EGA tituluak eskuratzeko ikastaro zehatza antolatu da, bereziki Azpeitiko ikastetxeetako ikasleei zuzendua.

Iazko hutsunea eta gero, Udal Euskaldunen Mankomunitateak (UEMA) bere Eguna berreskuratuko du. Festa giroak eta euskaraz bizitzearen aldeko aldarriak Azpeitian egingo dute bat aurten, bihar (2008-6-14).

Azpeitiko Udalak joan den larunbatean (2008-4-5) eman zuen udalerria UEMAn (Udalerri Euskaldunen Mankomunitatea) sartzeko azken eta behin betiko urratsa. Ezohiko bilkuran onartu zuen Udalak mankomunitateko kide izatea. Horrenbestez, Azpeitia UEMAko 51. udalerria bihurtu da.

Azpeitiko Udalak eta Kontseiluak Bai Euskarari Ziurtagiria sustatzeko lankidetza hitzarmena sinatu dute, 2004tik 2005 hasiera arte garatu zuten elkarlana berreskuratuz. Udalak Uztarriarekin ere sinatu du 2008-2011 epealdirako komunikazio hitzarmena.

Azpeitiko Udalak UEMAn (Udalerri Euskaldunen Mankomunitatea) sartzeko urratsak ematen jarraitzen du. Erabatekoa eta azkena 2008ko apirilaren 5ean ematea espero dute udal agintariek. Egun horretarako deitu duten osoko bilkuran eman beharko dio baiezkoa Udalak UEMAn sartzeari.

Euskaraz naturaltasunez hitzegiten dugu Azpeitian; azpeitiarrok, azpeitiarrez. Hori, natuala izateaz gain, goraipatzekoa, bultzatu beharrekoa eta saritzekoa ere bilakatu du herriko ikasle talde batek, % 100 natual komunikazio-kanpaina berezia landuz eta zabalduz.

Aurten Kudeaketa Planean Bai Euskarari ziurtagiria bultzatzea erabaki du Udalak; EAJ abstenitu egin da

Gabonak inguratzen ari diren honetan, eta bereziki etxeko txiki eta gazteenentzako opariak aukeratzeko unea iristen hasia dela kontuan hartuta, aurten ere euskarazko eta kalitatezko produktuen aukera guztion eskura dagoela gogoratzera dator Azpeitiko Udala, Euskarazko Produktuen Katalogoa banatuz. Euskara eta Gazteria sailek bat egin dute aurten ere Euskal Herri osoan banatzen den katalogo horren aurkezpenean.

ELEGUNEk, Azpeitiko enpresen hizkuntzen gestiorako zentroak, Azpeitiko profesional liberalentzat ere egiten du lan.